“You’re nothing but a second rate, trying hard, copy cat!” splash…
Yan ang pamosong linya, with matching sabuyan ng wine sa mukha, ni Lavinia (Cherie Gil) kay Dorina (Sharon Cuneta) sa pelikulang “Bituing Walang Ningning”.
Trying-hard copycat. Masakit sa tenga. Parang mas gugustuhin mo pang maligo ka na lang ng wine (basta sosy yung wine ha!) kesa masampal ka ng mga ganyang salita!
Pero bakit nga ba tayo, trip na trip manggaya ng iba? Bakit ang hilig natin sa mga pirated and imitations? Bakit ang hilig natin kopyahin ang mga uso? Pero kapag nasasabihan ng gaya-gaya puto maya, violent reaction agad ang drama?! Bakit hindi na lang panindigan ang pagiging gaya-gaya and make the most out of it? Di ba dito lumalabas ang pagiging maparaan at madiskarte ng mga Pinoy? Bakit tanong ako ng tanong? At baket ka nangengealam kung nagtatanong ako?!