Tristancafe Filipino Columns

Haller mga Kachochal!

In tradition of Chochality 101, narito na ang ilan sa mga famous chochal expressions and terminologies at ang guide kung paano gamitin ito. But wait, there’s still more! Meron pang free lessons on “The Art on How to Express ChochalSpeak” sa bawat expressions.

At para maging effective, use it in a konyotik way. How? Use the Jenglish and Filipino language alternately. You know, the style sa pagtatayp ng text message wherein you use the malalaki and maliliit na letters alternately in one word to complete a sentence? JuSt LiKe ThAt, GeTs Mo?!

Okay, so let’s start the lesson na. As in now na!

Ahmm - expression kapag wala ka nang masabi, hindi mo na alam ang sasabihin mo or kapag ikaw ay nagje-jenglish at hindi mo alam kung ano ang jenglish ng sasabihin mo. Pamalit sa jologs expression na “ah..eh..”.

Example: The essence of being a woman is…ahmm…ahmm… can you please make ulit the question?

As if - expression na kalimitang kapartner ng “duh?!” ngunit may kasamang statement ng pang-ookray.

Example: Duh?! As if she’s pretty to make inarte eh mukha naman syang nginuyang chewing gum!

As in - expression upang bigyan ng emphasis ang isang statement.

Example: He was so gwapo talaga! As in!

Duh?! - expression kapag ikaw ay in doubt o hindi naniniwala sa sinasabi ng kausap mo, o kapag feel mo lang mang-asar. Karaniwang sinasabi ang expression na ito with matching rolling of the eyes na parang sinasapian ng masamang espiritu.

Example: Duh?! (Sabay roll ng eyes, pwede mo ding i-roll ang ulo mo kung gusto mo).

Eewww! - expression kapag ikaw ay nandidiri; pamalit sa expression na “yuck”. Karaniwang sinasabi ang expression na ito with a “wavy accent”.

Example: You want me to walk on that maputik na kalsada? Eeewww!

Excuse me? - expression kapag hindi mo masyadong naintindihan ang sinasabi ng kausap mo dahil hindi mo pa nadidiscover ang paggamit ng cotton buds or dahil kulang ka sa iodized salt, or whatever, kaya di mo na-gets at gusto mong i-rewind ng kausap mo ang mga sinabi nya.

Example: Excuse me? Will you please make ulit your kwento again from the beginning ever since the world began?

Haller - a) chochal term sa salitang “hello”. Karaniwang sinasabi kapag may gusto kang i-greet.

   Example: Haller! How are you na? Long time, no look after 25 years ah!

   b) expression kapag gusto mong salungatin ang statement ng ibang tao. Kagaya ng “duh?!” ginagamit din ang expression na ito with matching rolling of the eyes. Or para mas cool, paikutin mo din ang ulo mo ng 360 degrees ala-Linda Blair sa Exorcist.

   Example: She’s pretty daw? Haller?! Mas pretty pa longkatuts namin sa kanya noh!

Hmmm - expression kapag ikaw ay nag-iisip at upang i-convince mo ang kausap mo na nag-iisip ka nga.

Example: Ano nga ba ang square root ng 1,256? Hmmmm…

It was, like… - term in the middle of your pagkukwento at gusto mong i-describe ang nararamdaman mo.

Example: Grabe! It was like, I’m in heaven when my crush make pulot all my nalaglag na things, including my sanitary napkin!

Noh! - sinasabi ito at the end of the sentence upang ma-emphasize ang pagiging konyotik mo.

Example: Eh mas pretty naman talaga ako than her noh!

Oh my God!/Gosh! - expression kapag ikaw ay na-surprised or na-shocked o hindi makapaniwala.

Example: Oh my God! I wasn’t expecting that DJ Jep will make bati me in his column! I’m so kilig!

Ouch! - expression kapag ikaw ay nasaktan. Pamalit sa jologs na salitang “aray”.

Example: Ouch! Are you blind? You make tapak on my toes!

Seriously? - expression kapag gusto mong i-confirm ang sinasabi ng kausap mo kung nagsasabi nga ba sya ng totoo at hindi dahil adik sya. Pamalit ito sa very common word na “really?”. Syempre, dahil nagco-confirm ka, dapat patanong ang manner of speaking mo. Kung mahilig ka manood ng Grey’s Anatomy, you know what I mean.

Example: You won Binibining Talipapa in your friendly neighborhood? Seriously?

Super Duper - expression kapag gusto mong bigyan ng emphasis ang statement mo to the highest level. Mas malufet ang powers nito, kesa sa “as in”. Kalimitang sinasabi before the adjective. At para mas malufet na tipong wala nang tatalo pa sa statement mo, dagdagan mo pa ng “mega over”.

Example: He’s so super duper mega over gwapo talaga!

Whatever - a) expression kapag wala ka nang maidugtong pa sa sasabihin mo at hindi mo alam kung paano tatapusin ang iyong sentence.

   Example: Let’s make punta sa Divisoria and then let’s go window-shopping, boylet hunting, or whatever.

   b) expression kapag give up ka na sa sinasabi ng kausap mo at ayaw mo nang makipag-talo pa. Para mas effective, sinasabi ito sa pamamagitan ng paghahati ng words na “what” at “ever”. At dapat, sinasabi ang “ever” with the rolling “rrrr”. At para mas dramatic, sabayan ng rolling of the eyes.

   Example: What. Everrrrrr.

Well, I mean - kalimitang sinasabi ito kapag ikaw ay nag-e-explain at gusto mong maniwala sa yo ang mga kausap mo na nagsasabi ka nga ng totoo.

Example: Well, I mean, I know na baka she’s insecure lang to me kasi I’m prettier than her kaya she’s making all those chismis, but I didn’t really make agaw her boyfriend noh!

Yeah/Yep - substitute term for “yes” or “oo” para mas cool.

Example: Yep, we just met last time sa party. Ako yung nadulas sa dance floor, remember?

That’s all for today class. I hope you learn something for today na you can make gamit in your everyday life. Til next Chochality!

Always remember:

Be bold. Be proud. Be chochal.

Filed under: According to Ms. F