Tristancafe Filipino Columns

Do’s and Don’ts sa Restaurant

Ano ang mga basic guidelines na dapat sundin pag halimbawang naimbitahan kang lumafang sa isang super sosy restaurant? In times like these, you need Ms. F.

Wag mag-panic at sundin lang ang mga sumusunod:

Do’s

1. Always check your wallet before leaving the house.
   Syempre tignan mo kung me laman na pera ang wallet mo, alangan namang titigan mo lang, gagah! Kumbaga, bago ka sumugod sa gyera, tignan mo muna kung me bala ang baril mo. Dyahe naman kung paghugasin ka ng pinggan sa resto na pupuntahan mo simply because wala kang pambayad devah?
2. Make a research.
   Make a research sa sosy resto na pupuntahan mo, para naman ma-familiarize ka na sa place, food, and kinds of people na pumupunta dun. At least, may idea ka na kung anong food ang oorderin mo. At alamin mo na agad kung paano ipo-pronounce ang bawat isa. Mai-impress pa sa yo ang mga kasama mo devah? Aakalain nila suki ka na dun! At para mas lalo pa silang ma-impress, alamin mo na din kung ano ang mga pangalan ng mga waiters doon! Iisipin ng mga tao sa paligid na madalas ka sa resto na yun dahil kabisado mo ang pangalan ng bawat waiter! Panalo!
3. Wear proper attire.
   Based from your research, alam mo na kung anong klaseng resto ang pupuntahan mo. Therefore, alam mo na rin kung ano ang dress code nila. Wag mag-gown kung isang Japanese restaurant ang pupuntahan mo, or wag mag-pajama kung Italian restaurant. Simpleng common sense lang yan, not unless nasa talampakan ang kukote mo.
4. Alamin ang tamang paggamit ng kubyertos.
   Expect sa mga sosy restaurants ang iba’t ibang kubyertos na nakalagay sa mesa. Kaya para hindi magmukhang stranger, know how to use different kinds of utensils properly. Wag gagamitin sa soup ang salad fork at wag ipangsusubo ng kanin ang bread knife. Kung hindi nakapag-research, tumingin ng pasimple (read: yung hindi masyadong obvious) sa katabi kung paano ang tamang paggamit. (More about this next time)
5. Observe proper table manners and etiquette.
   Don’t talk when your mouth is full. Wag humalakhak na dinig hanggang kitchen…ng kabilang restaurant ang paghalakhak mo. Wag ibalik ang toothpick pagkatapos gamitin. Hindi tuwalya ang table napkin. Hindi souvenir ang tray. Hindi binubulsa ang tip, para sa waiter yun! Ilan lang yan sa mga table manners na dapat sundin. (More about this next time ulit)

Don’ts

1. The Golden Rule: Wag orderin kapag hindi kayang i-pronounce ang menu.
   Kung hindi nakapag-research, wag orderin ang pagkain na hindi mo kayang i-pronounce kung ayaw mong magmukhang alien. Dun ka na lang sa madaling bigkasin kesehodang ginto ang presyo, Parusa yan sayo dahil di mo ginawa ang assignment mo.
2. Wag ipahalata na PG (Patay Gutom) ka.
   Kahit nagrerebolusyon na ang mga bulate mo sa tyan dahil sa sobrang tagal ng pagserve nila, wag sunggaban ang pagkaing inorder mo kapag inihain na sa iyong mesa. At wag mo ding ipapahalata na first time mong makakain ng ganung kasarap na pagkain dahil everyday ay baboy, as in baboy ang pagkakaluto ng pagkaing laging kinakain mo.
3. Wag titigan ang naka-serve na pagkain sa kabilang mesa.
   Sabi nga, it’s not polite to stare. Kung nagsisisi ka dahil mas masarap ang inorder ng nasa katabing mesa nyo kesa sa inorder mo, sorry ka na lang. Pero wag mong titigan ang kinakain nila habang takam na takam ka. Baka maconscious pa sila or pagmulan pa yan ng away. Eeeew! Iyon na lang ang orderin mo next time. At least alam mo na ang oorderin mo pagbalik mo devah?
4. Wag mag-retouch sa harap ng mesa.
   Totoo na kailangan maganda ka kapag nasa harap ng mesa para naman hindi masuka ang mga kasama mo sa pagmumukha mo. Pero, may tamang lugar para dyan. Dun ka mag-retouch sa powder room, o sa rest room kung hindi mo alam ang powder room dahil ignorante ka. Hindi comfort room ang dining area, ganun lang kasimple yun.
5. Wag simutin lahat ang pagkain sa plato.
   Totoo ang sinabi sa atin ng ating mga lola noong tayo’y mga bata pa na bawal magtira ng pagkain sa plato. Pero kung pati buto, tinik, kutsara, toothpick, at drawing sa plato ay kinain mo, ibang usapan na yan! Hindi gawain ng isang tunay na chochal ang hugasan ang pinagkainang pinggan sa pamamagitan ng dila. Magtira ka kahit isang butil na kanin, isang pirasong tinik o kapiranggot na buto kahit pakitang-tao lang para hindi masyadong obvious na sabik ka sa pagkain. Isipin mo na lang na kailangan mong tirhan ng pagkain ang aso ng kapitbahay.

Bon Appétit!

Filed under: Chochal Rules