Tristancafe Filipino Columns

Si Ms. F, hindi lang pang-Lifestyle and Culture, pang-Love & Intimacy rin. Yan ang tinatawag na versatility. Pero ipagpaubaya na lang natin ang pagbibigay ng mga love advice sa mas expert dyan na sina DJ Jep at Manay Letty or Madam BJ. But instead, Ms. F will teach you on how to move on the chochal way. Dahil ang pagmo-move on, part din ng pagiging chochal: to look better, feel better, and do better.

The process of moving on shouldn’t be hard and painful. Hindi sagot ang pagda-drama-dramahan para maka-move on, as if naman maibabalik ng luha mo ang dyowa mong nang-iwan sa yo. Iniwan ka na nga ng dyowa mo, mukha ka pang dehydrated na langaw sa dami ng luhang naubos mo! Scary devah? So why don’t you wipe your tears, smile, and read on:

1. Kunin ang picture ng iyong ex at itabi mo ito sa picture ng pinagnanasaan mong artista. Halimbawa, si Dennis Trillo or si Piolo Pascual. Pagkatapos, sa pamamagitan ng isang black pentelpen, i-spot the difference mo ang picture ng ex mo at ang picture ng crush mong artista. Halimbawa, kung ang ilong ng ex mo ay malaki ang butas ng ilong na kasya dalawang daliri sa paa ni Ronald McDonald compared sa matangos na ilong ni Dennis Trillo, bilugan ang ilong ng ex mo sa picture. Kung gusto mo, i-shade mo pa. Gawin mo ito sa lahat ng pictures ng ex mo. For sure pagkatapos mo, sa dami ng bakas ng pentel sa picture ng ex mo, hindi mo na mare-recognize ang itsura nya. Naaliw ka na, naka-move on ka pa.

2. Pwede mo din gawing dartboard ang picture ng ex mo. Naka-develop ka na ng bagong hobby, nakapagmove-on ka pa!

3. Ang isa daw sa mga paraan para makalimutan mo agad ang ex mo is to get rid of the things that remind you of him/her. Senti-sentihan ka kapag nakikita mo ang binigay nya sa yong stuff toy na napanalunan nya sa perya, or yung blouse mo na sya mong suot noong first time ka nyang hinalikan sa siko. Pwes, i-dispose na yan! Pero maghuhusdili ka! Wag mong sunugin ang mga yan! Makakadagdag ka pa sa pagnipis ng ating ozone layer! Instead, bakit hindi mo na lang ito ibigay sa mga nangangailangan at gawing kapaki-pakinabang? In other words, bakit di mo i-donate! Highly recommended ko ang pagdodonate sa Give A Gift Project ng Tristancafe. Nakatulong ka na, naka-move on ka pa.

4. Kung ang problema mo naman eh patuloy mong binabalik-balikan ang restaurant na kung saan madalas kayong mag-date, simple lang yan my dear. Wag mong pigilan ang sarili mo. Pumunta ka! Tapos umorder ka ng pinakamahal nilang menu! Yung nakakatetano ang presyo. Tignan lang natin kung hindi mag-init ang ulo mo. Nang sa gayon, sa tuwing pupunta ka dun, hindi mo na maa-associate ang resto sa ex mo kundi sa nakakapag-init na ulong presyo ng mga pagkain. Kung hardcore naman ang gusto mo, orderin mo lahat ng mga pagkaing nakakalula ang presyo tapos wag mo bayaran. For sure, kahit gusto mo mang bumalik dun, hindi na pwede dahil banned ka na! Kaya hindi ko ito masyado sina-suggest because it’s very un-chochal.

5. Sabi nga nila, the fastest way to move on is to look for a possible new love. Ang mundo ay punong-puno ng mga taong pwedeng mahalin kaya wag kang mawawalan ng pag-asa. Next issue, bibigyan kayo ng tips ni Ms. F kung paano mangarir ng opposite sex the chochal way.

Hindi naman masamang magdrama-dramahan during the moving-on process. Umiyak ka hangga’t gusto mo at gumawa ng replica ng Pacific Ocean sa pamamagitan ng iyong mga luha. Just make sure lang na pagkatapos mong mag-crayola to death, you will not be crying for the same reasons anymore. Move on because life must go on.

Till next issue!

 
Always remember:

Be Bold. Be Proud. Be Chochal.

~~~~~~~~~~~~~~~~~~~~~~~~~~
FAQ (Ms. F’s Articulate Quotes)

George Herbert: Living well is the best revenge.

Ms. F: Being chochal is the best revenge.

~~~~~~~~~~~~~~~~~~~~~~~~~~

 
For your suggestions to be our next topic, requests on issues to be tackled, questions, violent reactions, donations, and wedding proposals, just send an e-mail to ms.f.chochal@gmail.com

Filed under: According to Ms. F