tapos na naman ang isang araw
pagkatapos panibagong petsa ang lilitaw
ang kahapon ay iba
ang bukas ay hiwaga
schedule mo ay ayusin
sa mga susunod na araw,sarili'y abalahin
huwag kalimutan ang araw ng pahinga
nakatakda ito para sa Kanya
ganito rin noong nakaraaang taon
pero ang mangyayari ay mas iba sa ngayon
di ba ambilis, nakapagtataka?
sa isang iglap, bigla kang tatanda
lahat ay lilipas na parang bula
sa mga pangyayaring mala-kisapmata
pwede mong hulaan pero di sigurado
pwede mong planuhin, pero di lahat masusunod sa plano
ano ka ba?anong petsa na?
ano na ang natapos, mga nagawa?
gawin ang dapat gawin
isipin ang dapat isipin
hanggang may oras na pwedeng utangin
sa mundong sandali ang isang saglit
tadhana mo'y ikaw din ang guguhit
magpapalit na naman ang isang nalagpasang buwan
sa susunod na taon,kalendaryo ay papalitan
tumatakbo, tumatakbo ng mabilis
tandaan mo lahat ay maglalaho
dahil ang lahat ay pansamantala sa ating mundo
oras, araw at sandali..na nakatakda sa kalendaryo ng buhay mo..