paano pag nalaman na totoo ang nararamdaman?
paano pag naunawaan na ikaw lang ang tanging kailangan?
na di paglayo at di pagtakas ang kasagutan
sa damdamin na di maintindihan?
masasabi bang huli na ang lahat
kung di pa nauumpisahan?
marinig mo kaya ang dasal
na puso mo'y aking makamtan?
na pagkakataon ay pagbigyan?

nais kong malaman
kung ang panahon ay darating para sa atin
pagkat sa wakas ay naintindihan
na ikaw lang ang mamahalin
aking tanong sana'y bigyang kasagutan
at wag ka sanang maging
panaginip na binitawan

paano pag napagtanto ang kamalian
at at pagibig ko sa iyo'y di sana tinalikuran?
paano pag ikaw pa rin ang laman
ng bawat tibok ng puso at dasal sa isipan?
paano pag ikaw talaga ang hinahanap na kasagutan
sa gitna ng alinlangan?

nais ko malaman
kung ang pagkakataon ay dapat ko nang kalimutan
ibaon sa limot at kalimutan kailanman
o kung sa likod ng pagod sa wakas ng bawat araw
may pag-asang panghahawakan
na di ito ang katapusan

---